IBPS Recruitment 2024 : దేశవ్యాప్తంగా ఉన్న పలు ప్ర‌భుత్వ రంగ సంస్థలకు చెందిన బ్యాంకుల్లో పలు విభాగాల్లో ఖాళీగా ఉన్న పోస్టుల భ‌ర్తీకి గాను రిక్రూట్‌మెంట్ ప్ర‌క్రియ‌ను చేప‌ట్టారు. ఇందుకు గాను ఇనిస్టిట్యూట్ ఆఫ్ బ్యాంకింగ్ ప‌ర్స‌న‌ల్ సెల‌క్ష‌న్ (ఐబీపీఎస్) ఈ నియామ‌క ప్ర‌క్రియ‌ను నిర్వ‌హిస్తోంది. ఇందులో భాగంగా పలు ప్ర‌భుత్వ రంగ సంస్థలకు చెందిన బ్యాంకుల్లో ఖాళీగా ఉన్న 4455 పోస్టుల‌ను భ‌ర్తీ చేయ‌నున్నారు. ప్రొబేష‌న‌రీ ఆఫీస‌ర్స్‌, మేనేజ్‌మెంట్ ట్రైనీ (సీఆర్‌పీవో/ఎంట్రీ) విభాగాల్లో ఈ పోస్టులు ఖాళీగా ఉన్నాయి.
ఈ ఉద్యోగాల‌ను పొందాల‌నుకునే అర్హ‌త ఉన్న‌త అభ్యర్థులు ఆగ‌స్టు 1 నుంచి 21వ తేదీ వ‌ర‌కు ద‌ర‌ఖాస్తు చేసుకోవ‌చ్చు. ప్రిలిమిన‌రీ ప‌రీక్ష‌ను అక్టోబ‌ర్‌లో నిర్వ‌హిస్తారు. మెయిన్స్ ప‌రీక్ష న‌వంబ‌ర్‌లో ఉంటుంది. మెయిన్స్ ఫ‌లితాల‌ను డిసెంబ‌ర్ లేదా జ‌న‌వ‌రిలో వెల్ల‌డిస్తారు. అలాగే ఇంట‌ర్వ్యూల‌ను ఫిబ్ర‌వ‌రిలో నిర్వ‌హిస్తారు. ఇక దేశవ్యాప్తంగా ఉన్న మొత్తం 11 బ్యాంకుల్లో ఈ పోస్టుల‌ను భ‌ర్తీ చేయ‌నున్నారు. ఇందులో బ్యాంక్ ఆఫ్ బ‌రోడా, బ్యాంక్ ఆఫ్ ఇండియా, బ్యాంక్ ఆఫ్ మ‌హారాష్ట్ర, సెంట్ర‌ల్ బ్యాంక్ ఆఫ్ ఇండియా, కెన‌రా బ్యాంక్, ఇండియ‌న్ బ్యాంక్, ఇండియ‌న్ ఓవ‌ర్సీస్ బ్యాంక్, పంజాబ్ నేష‌న‌ల్ బ్యాంక్, పంజాబ్ అండ్ సింధ్ బ్యాంక్, యూకో బ్యాంక్, యూనియ‌న్ బ్యాంక్ ఆఫ్ ఇండియా ఉన్నాయి. ఈ బ్యాంకుల్లో ఖాళీగా ఉన్న ఆయా పోస్టుల‌ను భ‌ర్తీ చేస్తారు.
వయస్సు 20 నుంచి 30 ఏళ్ల మ‌ధ్య ఉండాలి..
ఈ ఉద్యోగాల‌కు ద‌ర‌ఖాస్తు చేసుకునే అభ్యర్థులకు వయస్సు ఆగ‌స్టు 1, 2024 నాటికి 20 నుంచి 30 ఏళ్ల మ‌ధ్య ఉండాలి. వయస్సు 30 ఏళ్ల‌కు మించ‌కూడ‌దు. అంటే అభ్యర్థులు ఆగ‌స్టు 2, 1994 క‌న్నా ముందు, ఆగ‌స్టు 1, 2004 త‌రువాత జ‌న్మించి ఉండాలి. రిజ‌ర్వ్‌డ్ కేట‌గిరి అభ్యర్థులకు వ‌యో ప‌రిమితిలో స‌డ‌లింపులు ఉంటాయి.
ఈ ఉద్యోగాల‌కు ద‌ర‌ఖాస్తు చేసుకునే అభ్యర్థులు గుర్తింపు పొందిన యూనివ‌ర్సిటీ నుంచి ఏదైనా విభాగంలో గ్రాడ్యుయేష‌న్ డిగ్రీ లేదా భార‌త ప్ర‌భుత్వం గుర్తించిన తత్స‌మాన విద్యార్హ‌త‌ను క‌లిగి ఉండాలి. అభ్య‌ర్థి గ్రాడ్యుయేష‌న్‌లో సాధించిన మార్కుల‌తోపాటు గ్రాడ్యుయేట్ అని సూచించే, చెల్లుబాటు అయ్యే మార్కుల షీట్ లేదా స‌ర్టిఫికెట్ ను రిజిస్ట్రేష‌న్ తేదీతో స‌హా క‌లిగి ఉండాలి.
ఉద్యోగార్థులు జాయిన్ అయ్యే స‌మ‌యంలో హెల్తీ క్రెడిట్ హిస్ట‌రీని క‌లిగి ఉండాలి. భాగ‌స్వామ్య బ్యాంకుల పాల‌సీ ప్ర‌కారం క‌నీస క్రెడిట్ స్కోర్ ఉంటుంది. ఎస్సీ, ఎస్టీ, దివ్యాంగుల‌కు ద‌ర‌ఖాస్తు ఫీజు రూ.175 ఉండ‌గా, మిగిలిన వారు రూ.850 చెల్లించాలి. మ‌రిన్ని వివ‌రాల‌కు ibps.in అనే వెబ్‌సైట్‌ను అభ్యర్థులు సంద‌ర్శించ‌వ‌చ్చు.
